دستور يا أسيادنا

دستور

************



‎

دستور يا اخوانا يا بعدا‎

لأ سوري دستور م البعدا‎

‎

محبوس حابس يا سيادنا‎

و بكاكي من فوق مدنة‎

‎

و ورايا ديوك بيكاكو‎

حرصوا عالباقي معاكو‎

‎

بركة مولانا هولاكو‎

حلت و علينا اللعنة‎

‎

طرطور طرطر طراطير‎

بيغيروا فالدساتير‎

‎

و لا عاد في الحتة كبير‎

و يا وارث تورث مين‎

‎

ما الورث إتباع و إتبعنا‎

نرجع تاني لموضوعنا‎

‎

و بيان لديار الإفتا‎

من جمهورية زفتا‎

‎

لِعبو و عملوها إستفتا‎

صوت ياللي سامعنا‎

‎

و قوللي ملك ولا كتابة‎

أسد شبل ف الغابة‎

‎

و أحلف وحياة راس بابا‎

زفة فمولد كدابة‎

‎

و الله يجازي اللي خدعنا‎

للجوكر ألف تحية‎

‎

ملعون خاش الحرية‎

يحيا قانون العبودية‎

‎

و القوانين الوضعية‎

و الحكومات الشمولية‎

‎

لها مني ألف تحية‎

وحِياة أمي دي رجعية‎

‎

و لو صوتنا و جَعجَعنا‎

واحد ولافيش غيره هوه‎

‎

قاعد متربع جوة‎

و بكيفك أو بالقوة‎

‎

لو سوبر مان و فتوة‎

روح قٌله بقى يودعنا‎

‎

عصابات شغل فتوات‎

و استعباط على حركات‎

‎

و السقا أبوه لو مات‎

حيقوم يسقي الشربات‎

‎

و يكمل على مواجعنا‎

مزيكة و تَرَابَاتَّتو‎

‎

و نفديك بالدم.. إفدوه‎

بس إحنا و رحمة أبوه‎

‎

مين ده اللي حَيلوي دراعنا‎

روح هاتلي لمون بالصودا‎

‎

انا حاسة بريحة شوطة‎

حيصعدوا فصل الروضة‎

‎

و الورث حيصبح موضة‎

لم الجدعان و اتبعنا‎

‎

على قهوة ساقية مكي‎

نصرخ نلطم و حنبكي‎

‎

ده ناويها و بيتكتكلي‎

قبل ما حتى يودعنا‎

‎

زقطَطُوا يا عيال قولوا هييه‎

الحكم صبح تيك أواي‎

‎

لو عايز قول أوكيه‎

و لو رافض قول أوكيه‎

‎

في كلا الحالتين نوو واي‏‎

غير كودية و زار ينفعنا‎

‎

لأنا عايزة بخور م الجاوي‎

و حمار أرمل و حصاوي‎

‎

و دراع برغوت مش غاوي‎

تنطيط عفريت و مخاوي‎

‎

شلة مقاطيع يقطعنا‎

حابس من شر الكرسي‎

‎

من شر عزيزة و مرسي‎

من قرص النمل الفارسي‎

‎

م الأحياء و الأموات‎

من كايرو إلى بغداد‎

‎

أشتات أشتوت أشتات‎

حرصوا من لعب السيكا‎

‎

م الحكشة و م البولوتيكا‎

و لا تشمت يومًا فيكا‎

‎

مارشيل بنت أم ماريكا‎

قول حاجة الله يهديكا‎

‎

و ادعي معايا يخليكا‎

حِلُّوا بقى عن أوجاعنا‎

‎

و انصرفوا عليكوا اللعنة‎

انصرفوا عليكوا اللعنة‎

****************



من اشعار/ ايمان بكرى

أنظر في المرأة قبل أن تنظر في وجه أخيك

---

كل انسان يرى نفسه دائما على صواب

ويحب أن يكون الآخرين مثله

فأنا أريد أن تكون صديقتى تسير على نهجي

أريد أن أشكلها تماما مثل الصلصال

أريدها أن تستمع الى وتنصت لي جيدا

تصبرعلى سيئات طباعي ..

انسانة تضحي من أجلي وتبحث عن أى وسيلة لإرضائي

انــســانة تحبنى بـــصـــدق

لــــــكــــــن

قبل هذا كله

وقبل اختيار هذه المواصفات

هل بـــحــثــت عن نفس الشيء في داخـــــلك ..

هل فكرت كثيرا في صفاتك أولا

هل انت صدوق محب مضحي معطى

تحب أن تعطى ولا تأخذ مقابل

هل انت انسان تنفذ ما تقوله

هل انت تعطى فتواك للناس وتفعل بها

أخي انظر فى المرأة قبل أن تنظر فى وجه أخيك

عليك ان تصلح عيوبك أولا ثم أصلح عيوب الأخرين

لو فكر كل انسان في معنى هذا الكلام

لتعدلت كثير من الأمور

وتبدل حال عن حال

أحبك يا زوجي

احبك يا زوجي حبا جما جمعني بك لسنة قبل الخطوبة و سنة خطوبة و سنة واحدة زواج و الى الان لا ازداد بك الا اعجابا و لا يزداد بك فلبي الا تعلقا و حبك تالقا فلماذا نحتاج انا و انت ليوم للحب فايامنا كلها ايام للحب

احبك يا نصفي الاخر يا شقيق الروح بحنانك و عطفك و تحملك لنزقي و غضبي و ثوراتي المفاجأة التي ما تلبث حتى تتحول الى لا شئ بكلمة منك او نظرة ذات معنى من عينيك

احبك يا من تعطيني الامل في لحظات الياس و القنوط و التشاؤم احبك كحبي لرائحة العطور و شذى العصفور و سحر عطرك و النعيم الذي يتراى لي في عينيك

احبك في كل الاوقات و الاماكن و اللحظات حتى غير السعيدة منها

انت معي اين ماكنت و حبك محفوظ في سويداء القلب فهل بعد كل هذا نحتاج الى يوم للحب

احبك

حاجة تحرق الدم

ازيكم يااحلى شباب ......

موضوعي اليوووم اعتبروه نقاش أو أي حاجه المهم نلاقي حل???

طبعا هذا الموووسم الخااامس للررررذيله,,وكل سنه يطوروه اكثرر وأكثرر ,,السنه دي((حمام سباحه))يعني لكم ان تتخيلو حمام سباحة وأولاد وبناات لا وفي كاميرات جواالمسبح يعني عايزينا نشوف ايه والله ماانا عارفه ,,وكلهم في حمام سباحة ويشيلو بعضهم ويرمو بعضهم على المسبح منتهى قله الحياء دلوقتي كل واحد عايز الشهررة والنجااح والفلوووس ونسي عقاب الله له بس للأسف مجتمعنا بدل مايروح يصرف فلوسه على شي يفيده بااخرته او حتى اي حاجه مفيده تفيد مجتمعنا لا ماغير تشوفه 24 ساعه يصوتلي يعنى ربنا هيسألك عن فلوسك في ايه صررفتهااااا ؟؟هاتقول لربنا صرفتها على(( ستار اكاديمي ))والسنة دي انواع الميااعه وقله الذووووق ...والله شي يخدش حياء الي بيتفرج لبس البنات مش لبس وللاسف انا مش متشدده ولا حاجه انا مجرد مشاهده عاديه فتحت عليه وشوفت المسخرة الي بيتمادوا فيها سنه ورا سنه والناس تصوووت بالملايييييييييييييييييييين مش عارفه هيه فلوووسهم يجيبوهاا من الهواااا والله انا مااصررف قرش على النوعيه دي من الناس اروح اعمل حاجه تفيدني بدل مضيعه الفلوس والوقت وفي كل نظرة لنا سيئه ياناس حتى جلستهم غلط ماهي جلسة ناس محترمين حقيقي شي في منتهى الانحلال والبرامج دي تنزل من مستوى العرب بدال ماترفعهم لأعلى هل هما دول اللي يشرفوا العرب والمسلمين وأنا مش مقتنعه بيه ابدا وللاسف في النهايه حتى ولا بيطلعوا فنانين عدله ولا هم يحزنونأنا كتبت الموضوع ده وانا بجد محروق دمي من المناظر اللى شفتها

أنا عارفة انا اللى بيحبوا البرنامج ده هيزعلو منى

بس معلش ده رأيي

على واحدة ونص

بسم الله الرحمن الرحيم

صباح الفل والورد والياسمين

متستغربوش يا جماعة أصلي صاحية فايقة جدا نمت بدري وصحيت بدري قولولي نمت بدري ليه؟

أقولكم انا كنت مسافرة وجيت قلت افتح التلفزيون قبل ما انام اهو تغير يعنى ومكنتش قادرة افتح الكمبيوتر قلت اريح شوية وافتح التلفزيون بينى وبينكم كده الواحدة من زمان مفتحتش التلفزيون واهو اشوف الدنيا فيها ايه جديد .....

المهم ما علينا مطولش عليكمامبارح شفت حلقة معادة من برنامج القاهرة اليوم بيقدمه عمرو أديب اعتقد ان أغلب الناس مننا يعرف البرنامج ده هايل جدا ومش بيهمه حاجة وبينتقد أي حد ومش بيهمه وبيقولللأعور انت أعور في عينه ما علينا المهم عمرو أديب استضيف نائب محترم من بتوع مجلس الشعب المحترمين اللى المفروض اننا بنرشحهم ومش بنشوف وشهم بعد كده المهم النائب ده جاي يتكلم في قضية مهمة جدا جدا ........ طبعا عاوزين تعرفوا ايه هيه القضية دي؟؟

البيه المحترم واضح انه مثقف اوى وفنان كبير جدا البيه ده راح مسرحية للفنانة القديرة فيفي عبدهوجاي بقى يعرضلنا مشكلة في المسرحية دي ان الراقصة اللولبية بترقص بدون تحشم وبتقول عبارات مش هيه يعنى في المسرحية طبعا مقدرش اقولكم عليها ....... سيبكم يا جماعة انا مش جاية اقولكم موضوع المسرحية ومش جاية اتكلم فيها من اساسه أنا بس بسأل سؤال يعنى هيه البلد مفيهاش حاجة تانية النائب المحترم ده يتكلم عنها ؟؟؟

يعنى هو سايب الغلاء اللى احنا فيه واستغلال الحكومة للشعب وهروب الشباب بالهجرة الغير شرعية والبطالة وغيره و غيره وجاي يتكلم عن واحدة رقاصة ياعم عيب عليك ده انت نائب محترم؟؟؟ثم انك داخل مسرحية لواحدة رقاصة عاوز تتفرج على ايه؟؟؟

وبعدين عاوزها ترقص باحتشام ازاي ولا مؤاخذة ؟؟؟ يعنى والله نفسي افهم وجهة نظر سيادته البيه فاضي اوى ولا على باله وسايبننا مطحونين من الغلاء ورايح يتفرج على رقاصة ولا عشان فيفي عبده كبرت وراح عليها الزمن معدتش عجباك ما تستغربوش من كلامي انا طبعا مش بدافع عن الرقاصة يا جماعة أنا بس جاتلي حالة من القرف والاشمئزاز عن البلاوى اللى في بلدنا ولا هو شعار البلد دلوقت على واحدة ونص عشان كده قفلت التلفزيون ورحت نمت من حرقة دمي وصحيتلكم فايقة بقى وقلت احكليلكم معلش طولت عليكم بس كان لازم اتكلم واقول اللى في نفسي

يلا بقى سلام